Vawiin chawhnu dar 4:30 khan NIC Office Serchhip ah Lok Sabha inthlan leh Hrangturzo Assembly bial Bye-Election inthlana Election Duty –a kal turte thlan chhuahna 1st Polling Personnel Randomization chu District Bawrhsap leh 28 Hrangturzo Assembly Bye-Election Returning Officer ni bawk Dr. Franklin Laltinkhuma hovin neih a ni a.

1st level ah Randomization-ah hian hian mi 520 atangin duty tur 437 te thlan chhuah an ni . Presiding Officer atana ruatte hi DC Office Conference Hall-ah training neih tur a ni ang a, 1st Polling Officer (APRO) leh 2nd Polling Officer (PO) te erawh chu Government Serchhip Higher Secondary School-ah training neih tur a ni thung ang.

Heng inthlan chi hnih lo awm tur atan hian Presiding Officer atan 101, 1st Polling Officer (APRO) atan mi 101 leh 2nd Polling Officer (PO) atan mi 235 te ruat chhuah an ni.