Mizoram sorkar Industries Department (Bamboo Development Agency) leh Environment & Forest Department tangkawpin a buatsaih 1st Mizoram Bamboo Day (3rd March, 2012) lawmna hetiang hian neih a ni dawn.
Bamboo Exhibition-cum-Sales hi ni 2 - 3 March, 2012 chhungin Assembly Annexe ah neih a ni ang, March ni 2, 2012 zing dar 11:00 ah Industries Minister Pu S. Hiato in a hawng ang. He exhibition ah hian tualchhung thilsiam chhuah hrang hrang bakah State pawn - Nagaland, Tripura leh Sikkim atanga thil siam thiamten an thilsiam an pho chhuak bawk ang.
March ni 3, 2012 (Inrinni) hian Aijal Club ah mi thiam hrang hrang te sawmin seminar and interactive session neih a ni ang a. Chief Minister Pu Lal Thanhawla khuallian niin Industries Minister Pu S. Hiato leh Forest Minister Pu H. Rohluna te bakah Pu Anup K. Pujari, Director General of Foreign Trade, Govt. of India te chu khual zahawm an ni ang.