1st North East India on top of the World (Mt. Everest) Expedition 2013 Pre-Expedition Camp chu Sports & Youth Services Department bultumin 11th - 15th Dec 2012 chhungin Mizoram-ah buatsaih a ni. 11th December 2012 zing dar 7:30 ah Flag-off Programme Youth Hostel, Luangmual-ah neih a ni a.

He hun hi Pu Lalzirmawia Chhangte, Director, Sports & Youth Services Department- kaihruaiin, state hrang hrang atanga kalte lawmna thu a sawi a, member ten self-introduction an nei bawk. Chief Guest Pu R. Lalvena IAS, Secretary, Sports & Youth Services, Government of Mizoram chuan team member te fuihna thu a sawi zawhin a Flag-off nghal a ni. An ni Team hi Manipur Chief Minister-in 25th Feb 2013 ah Imphal atangin a Flag-off anga, chumi hnu Dt. 20th March 2013 ah Rashtrapati Bhavan atangin India President-in a Flag-off ang. Team leader chu Dr. Surjit Singh Manipur a ni a. Mizoram atangin member 2 an tel dawn a, Pu Vanlalliana, Adventure Organiser, Sports & Youth Services chu Base Camp manager tur a ni a, Pu David Zohmangaiha chu Climber-cum-Secretary ah ruat a ni bawk.

Team member atan mi 17 thlan niin, daihriat nei tha tak tak te an ni hlawm a ni. Pi Anshu Jam Arunachal Pradesh a mi chu Mt. Everest vawi hnih lawn chhuak tawh in tun tum hi a vawi thum lawn chhuahna tur a ni ang. Manipur tlangval Chingkheinganba kum 16 a upa chu an zinga naupang ber a ni. He Expedition hi NEC, Shillong-in a sponsored a, Climber pakhat tan hian Rs.20.00 lakh (Nuai sawmhnih) chuang zel sen a ngai a ni. Manipur a Planning Department-in Manipur Mountaineering & Trekking Association kaltlanga a buatsaih a ni.