No.2753/2021-2022
Aizawl; the 28th October,2021: Vawiin chawhma dar 11:00Am khan District bawrhsap leh DDMA chairman ni bawk Pu Kesavan R,IAS kaihruaina hnuaiah District Level Task Force committee on Education chuan DC conference Room-ah thu khawmin, khunkhan taka a ngaihtuah hnuin, Class 10 leh 10+2 zirlai te chuan SOP leh CAB zawm chungin November tahrik ni 1 ah class tan tawh mai se tiin, a rel.

Vawiin meeting-ah hian Education Dept. official te atangin report ngaihthlak a ni a. Siaha District chhunga zirtirtu 95 in Covid-19 hri veiin, 89 an dam tawh a, 6 enkawl mek an ni a. Zirlai naupang zingah, 358 in veiin,356 an dam tawh a, 2 enkawl mek an ni bawk. Siaha district hnuaiah hian Primary School-131,Middle School-77,High School-26 leh Higher Secondary School-7 a awm mek a ni.

Medical Dept.official te atang pawhin report ngaihthlak a ni a. Zirtirtu te zingah mi tlem te tih lo chuan Vaccine an lak vek tawh thu tarlangin, Covic-19 SOP leh CAB zawm chunga class kalpui a ni chuan, zirlai naupang phanchang deuh leh lungfing deuh tawh Class-10 leh 10+2 zirlai te tan chuan class an kal hi a him tawk tawha an hriat thu an report bawk.

Vawiin meeting chuan School tin ten SOP leh CAB an zawm that leh that lo te vil a, thlakhat hnua committee hnenah report pe turin Education Dept hotute a ngen a. Chumi report a zir chuan Middle School leh Primary School te hawn theih a nih leh nih lo DLTFC chuan a la rel leh dawn a ni.