Planning Commission of India-in Mizoram State tan Plan fund  Rs. 1,70,000.00 lakh a pek fel tak hnuah kum 2011-2012 chhunga Budget pumpui chu House pawmpui turin Finance Minister thar Pu H.Liansailova chuan a lo pharh ta a.  Mizoram Budget 2011-12-ah hian Revenune Account-ah sum hmuh tura beisei zawng zawng hi Rs. 3,74,829.83 lakh a nih laiin, sum hman tura ruahman chu Rs. 3,42,724.89 lakh a ni a, Capital Account-ah sum hmuh tura beisei Rs.  49,338.90 lakh  a nih laiin, sum hman tura ruahman chu Rs. 93,602.66 lakh a ni. Consolidated Fund bika sum hmuh tura beisei  Rs. 4,24,168.73 lakh niin, sum hman tura ruahman chu Non-Plan hnuaiah  Rs. 2,56,152.96 lakh niin, Plan hnuaiah  Rs. 1,70,000.00 lakh leh CSS/NEA/NLCPR hnuaiah Rs. 10,174.59 lakh, a vaiin  Rs.  4,36,327.55 lakh (Gross) a ni.   

Contingency Fund bikah sum hmuh leh hman tura ruahman chu Rs. 20,000.00 lakh niin, Public Account hnuaia hmuh tura beisei chu Rs. 6,09,455.36 lakh a nih laiin hman tura ruahman Rs. 5,96,990.36 lakh a ni a. Tichuan, sum hmuh tura beisei zawng zawng chu Rs. 10,53,624.09 lakh a nih laiin, hman tura ruahman zawng zawng (Gross expenditure) chu Rs. 10,53,724.65 lakh a ni a, deduct recoveries (Rs.15,125 lakh) paih hnua sum hman tur tak tak (Net expenditure) chu Rs. 10,38,599.65 lakh a ni. 2011-2012 bikah chuan Rs. 15,024.44 lakh lai sum chuangbang (surplus) awm tura beisei a ni. Kum hmasa atanga sum lo bat tawh vangin kumtawpa sawrkar sum bat (deficit)  tur erawh chu Rs. 3,074.69 lakh a la ni thung ang.