Chief Minister, Finance changtu Pu Lal Thanhawla chuan vawiin khan Mizoram Legislative Assembly ah sorkar kumthar 2001-2012 thla 4, April to July chhunga sorkar sum hman tur cheng vaibelchhia 1354.27 leh kum kal mek 2010-2011 chhunga sum mamawh belh cheng vaibelchhia 817.11 chu a pharh.
Budget pharh paha a thusawi ah Chief Minister chuan Mizoram Annual Plan sum tih fel tlai anih avanga budget lailawk, Vote on Account a pharh a tul dan tarlang hmasa in budget pumpui chu hun remchang hmasa ah pharh leh a ni ang a ti a. Chief Minister chuan 13th Finance Commission-ah kan chuankai dawn avangin state sorkarin a sum thawhchhuah ve turah tan lak a ngaih thu leh sum renchem pawimawhzia a tarlang a. State sum dinhmun tih ngelngheh nana Finance Commission in GDP rate punna tura a beisei chu 2010-2011 ah chuan 9.7 % leh 2011-2012 ah chuan 10 % a ni tiin hemi thlen tur hian sorkar leh mipui mimir sum veivir tihpun a tul hle dawn a ni a ti.
Pu Lal Thanhawla chuan revenue leh capital account ah te mamawh a san chak em avangin state in theihpatawpa sum a thawhchhuah ve a tul dan a tarlang bawk a. Chhiah leh thil dang atanga Mizoram in sum a peipun theihna tur rawtna Chief Minister hian a chhawp chhuak nghal a. Chungte chu Petrol leh petrol kaihhnawih atanga sales tax tih pun; thenawm state tih dan anga item hrang hrang VAT uniform floor rate tih pun; tui man tih san; transport department hnuaia chhiah hrang hrang 1997 atanga hman tan ennawn leh tih pun; inhmun lo ram LSC, periodic patta etc. felfai taka chhinchhiah; labour leh casual a hnathawkte chhin chhiah fel leh sorkar hnathawk nghette hnen atanga an chawi tur ang ang fel zawka chawi tir te an ni.
Vawiina Vote On Account leh Supplementary Demand pharh takte hi naktukah sawihoa House in a pawmpui beisei a ni.
Pu Lal Thanhawla chuan revenue leh capital account ah te mamawh a san chak em avangin state in theihpatawpa sum a thawhchhuah ve a tul dan a tarlang bawk a. Chhiah leh thil dang atanga Mizoram in sum a peipun theihna tur rawtna Chief Minister hian a chhawp chhuak nghal a. Chungte chu Petrol leh petrol kaihhnawih atanga sales tax tih pun; thenawm state tih dan anga item hrang hrang VAT uniform floor rate tih pun; tui man tih san; transport department hnuaia chhiah hrang hrang 1997 atanga hman tan ennawn leh tih pun; inhmun lo ram LSC, periodic patta etc. felfai taka chhinchhiah; labour leh casual a hnathawkte chhin chhiah fel leh sorkar hnathawk nghette hnen atanga an chawi tur ang ang fel zawka chawi tir te an ni.
Vawiina Vote On Account leh Supplementary Demand pharh takte hi naktukah sawihoa House in a pawmpui beisei a ni.
