No.211/2021-2022

Mamit 20th April, 2021: Mizoram sawrkar chuan Covid-19 chungchanga inkhuahkhirhna thupek vide Order No.B.13021/101/2020-DMR/Vol-III Dt.19th April, 2021 chu a tichhuak leh ta a. Hemi ang mil hian Mamit District chhungah pawh a hnuaia mi ang hian inkhuahkhirhna dan siam a ni.

I. MAMIT DISTRICT CHHUNGA INKAIHHRUAINA TUR:

1. State dang atanga Mamit District lo lut tur te reng reng entry point-ah Rapid Antigen Test (RAgT) hmanga endik vek an ni ang. (RAgT) positive te chu enkawl dan tur dinglai (Protocol) angin enkawl zui an ni ang.

2. RAgT negative-te chu fimkhur takin self-monitoring (mahni hriselna inchík)-in midang nena in-contact lovin ni 7 chhung Home/ Institutional/Community quarantine-in an inkhunghrang ang. Ni 7
hnuah RT-PCR/TrueNat test an nei ang a, negative result an neih chuan inkhung zui a ngai tawh lovang.

3. State dang atanga lo haw quarantine leh home quarantine te'n COVID-19 inkaihhruaina dan an zawm ngei a ni tih an awmna veng VLTF te'n an endik ang.

4. Hun rei lote chhung (short stay), darkar 96 aia rei lo Mizorama cham tura lokal te chuan entry point an lo thlen hmâ darkar 96 aia hlui lo
RT-PCR/TrueNAT/CBNAT (ICMR recognized laboratory) hmanga COVID-19 test result negative (SRF ID awm) an neih a, entry point-ah
RAgT negative result an neih bawk chuan inkhung hran a ngai lovang. Anmahni chah chhuaktu/buaipuitu te'n an tana hmun ruat bikah dahin fimkhur takin an tih tur bik an tihpui ang a, midang nena in-contact lo thei tur ang berin ruahmanna an siam tur a ni.

5. Screening leh quarantine dan tur fel taka ruahman a nih theih nan Mizoram an rawn luh hmain mCOVID-19 mobile application mPASS flight emaw mPASS-road hmangin an in-register lawk tur a ni. Home quarantine leh Hotel quarantine dil duh tan online-in https://mcovid19.mizoram.gov.in-ah a dil theih tawh bawk.

6. Quarantine-a awm/ thlen man, ei leh in man leh test-na man pek dan tur erawh chu Notification No.B.13021/187/2020-DMR dated16.04.2021-in a tarlan angin kalpui a ni ang.

7. Mizoram chhungah zin veivah phal ani. Amaherawhchu, an chhuah tanna VLTF te lehkha kengin an zin veivak thei ang. Chu lehkhaah chuan an kal tanna leh zin/kalna tur hmun, ni leh darkar te a chuang tur a ni.

8. VLTF te'n veng/khaw bil a inkharkhiap leh khualzin luh phal loh an puang thiang lovang. Tul bikna avanga inkharkhiap a ngai chuan Deputy Commissioner phalna an la ang.

9. Zirna in leh sakhaw biakna hmun te khar vek tur a ni ang. Chhiatni thatni ah mi 30 (sawmthum) aia tam punkhawm phal a nih loh bakah ei leh in sem/siam phal a ni lo.

10. Public park, picnic spot, gym, community hall, restaurant leh intawllenna hmun zawng zawng chu khar tur a ni.

11. Mipui punkhawmna heng - birthday, anniversary lawmna, games and sports, book release, lungphun leh intihhlimna ang chi reng reng te chu he hun chhung hian huaihawt phal a ni lo.

12. State pawn atanga bungraw lakluh nan phalna hranpa lak ngai lovin lakluh theih a ni ang. Amaherawhchu, mCOVID-19 ah an in-register vek tur a ni.

13. He inkhuahkhirhna thupek kalpui dan tur chungchangah hian VLTF te chu an bial chhung theuhah an hmalaknate chhunzawm tura beisei leh ngen an ni.

II. MAMIT KHAWPUI HUAM CHHUNGA INKAIHRUAINA TUR:

1. He inkhuahkhirhna hun chhung hian tumahin mahni in/ compound an chhuahsan tur a ni lo. Loh theih lohna avanga pawn chhuah ngai kan awm a nih chuan VLTF Chairman phalna ziakin lak hmasak thin tur a ni.

2. Sawrkar-in tlan a phal chin bak chu hemi hun chhung hian lirthei veivah khap tlat a ni.

3. Pawn chhuak tur reng rengin face mask emaw hmanraw dang hmangin hmai an tuam ngei tur a ni.

4. Vantlang hmuna loh theih loh thila kal te reng reng chu feet 6 tala inhlata awm tur a ni.

5. Field veng, Bazar veng, Charkawn leh Bazar Veng bazarah te thlai leh thil dang zawrh khap a ni. Amaherawhchu, mipui mimirin awlsam taka thlai leh chawhmeh an hmuh theih nan veng tina VLTF te'n ruahmanna an siam ang.

6. Phalna neia dawr hawng te'n face mask emaw hmanraw dang hmangin hmai an tuam ngei ngei tur a ni a. Tlai dar 5:00 PM hmain dawr an khar ngei tur a ni.

7. Zan dar 8:30 PM atanga zing dar 4:00 inkarah curfew puan a ni a, hemi hun chhung hian DC bakah Chairman VLTF in phalna a pek te leh Covid-19 chungchanga duty te bak pawn chhuah loh tur a ni. Phalna nei lo a pawn chhuak te chu dan angin hrem/chawitir an ni ang.

8. State pawn atanga Mamit khawchhunga bungraw lakluh phurtute khawchhungah midang nena inchiahpiah lovin bungrua an unload zawh veleh an let leh nghal tur a ni.

A hnuaia mi te hi VLTF te remruatna-in kalpui theih a ni ang:

1. Nitin mamawh leh eichawp, thlai leh thei, pangpar, sa leh sangha zawrhna.
2. Bungraw phur motor mamawh, oil leh spare parts zawrhna dawr leh
hetiang motor siamna bik workshop/puncture works hawn.
3. Steel, cement, brick, balu, insakna bungrua ilo zawrhna dawr.
4. Mi panga aia tam lo thawhna carpentry, workshop, steel fabrication workshop, chhangurna, puanthuina, puantahna hmun leh hetiang lam thil thawhna.

Hmasawnna hnathawh chungchang:

Kuthnathawktute chu VLTF te hriatpuina-in hnathawh phalsak an ni a, hmunkhata mi 5 (panga) aia tam awmkhawm erawh khap a ni.

Heng a chunga tarlan bakah Mizoram sawrkar Order No.B13021/101/2020-DMR/Vol-III dated 19.4.2021 in a tarlan Order No.B (2), (4), (5) leh (6) te chu Mamit khaw chhungah pawh a ngai anga hman a ni ang.