Vawiin khan Small Industrial Development Bank of India (SIDBI) bul tumin, Mizoram Chamber of Industry (MCI) chuan Rajiv Gandhi Udyami Mitra Yojana (RGUMY) hnuaia Entrepreneurship Development Programme (EDP), 2nd Batch training a buatsaih.
Pu K. Lalhmingthanga, President MCI-in he hun hi a kaihruai a. Training te chu, tumruhna, taihmakna, insum theihna leh tih tak tak peihna nei turin a fuih a, heng thil pali te nen chuan thil thil theih loh hi a awm ngai loh a ni, a ti. He hun a thusawitu dang, Pu K. M. Deka, Asst. General Manager, SIDBI, Aizawl Regional Office chuan training te chu, a tirah sum tam tak puk tum lova, sum tlem zawk nen a hlawhtlinna nei turin a chah bawk.
