Vawiin chawhnu khan Lunglei Government College in 2nd Cycle NAAC Accreditation Result leh MZU Annual Sports 2017 a hlawhtlin lawmna Saikuti Hall ah neih a ni.

Pu LH.Rothanga, Vice Principal, Lunglei Gov’t College in inkhawm kaihruai in, Pi Lalhmangaihi Hrahsel, Principal, Lunglei Gov’t chuan NAAC Peer Team in kawng chi hrang hrang in enfiahna a neih na ah B++ Grade hmuh theihna chhan chu Principal, zirtirtu te leh zirlai te thawh ho na that vang a ni a ti. Hei ai a dinhmun sang a kan awm theih nan hnungtawlh lovin hmasawn zel tur in zirlai te a fuih a ni. Inthununna leh thawhrimna nen a thawk theuh turin zirtirtute leh zirlai te a chah bawk a ni. NAAC Accreditation hi kum 5(nga) chhung a nung a, hemi chhung hian RUSA hnuai ah hamthatna hrang hrang an dawng thei dawn a, MZU Sports ah 4th position an hauh a ni.

NAAC Accreditation Result leh MSU Annual Sports 2017 lawmna ah hian Lunglei Gov’t College Principal hmasaber Rev.Dr.CL.Hminga pawh in lawmpuina thu a sawi a, Principal, Gov’t JB College, Principal HATIM , Principal BHSS leh Principal kalchhuak te pawh in lawmpuina thu an sawi bawk a ni.

Vawiin chawhma khan RUSA bultum in ’ Career aportunities after graduation’ tih thupui hmang in Seminar neih a ni a, Pu Vanlalhriatrenga Jahau, Asst Manager, Mizoram Rural Bank chuan paper presentation a nei a ni.