2^nd Mizo Feature Film Competition Lawmman semna chu vawiin dar 11:00 AM khan I&PR Auditorium ah neih a ni a. Pu Jim K Chozah, Director I&PR chu khuallian niin he hun hi a hmanpui a ni. 

He hunah hian Khuallian chuan thu sawiin tunlai khawvel hmasawnna chak takah hian Media chuan mawhphurhna pawimawh tak an neih thu a sawi a. Chung zingah chuan Film hian hmun pawimawh tak a chang a ni, a ti. Film chuan khawtlang nun honaah nghawng a neih thui thu sawiin, a Changtute leh Film siamtute chu thlirtu mipui te tana zir tur tha hnutchhiahturin  a fuih. 

Pi Lallianpuii, Nodal Officer, Mizoram Film Development Society (MFDS) pawhin thu sawiin he Filmsiaminelnaah hian hmasawnna tamtak hmuh tur a awm a, Story Board pawh din anih thu a tarlang a ni. Hei hian film siamna kawngah hmasawnna tam tak a thlen a ni a ti. I&PR leh MFDS thawhhona chu a tha hle a ni tiin inrintawnna leh inlungrualna tha tak karah an thawk ho a, hei hian rah tha a chhuah zel a ni tiin lawmawm a tih thu a sawi bawk. 

He hunah hian December thla a Pension a chhuak tur Pu Jim K.Chozah, Director, I&PR Department chu Mizoram Film Development Society (MFDS) chuan ngaihhruina thilpek an hlan nghal a ni. 

He hun hi Pi Lalnithangi, Joint Director I&PR in a kaihruai a, Lawmman dawngtute chu a hnuaia tarlan te hi an ni : 

Film tha zual thlan chhuah te :