Vawiin chawhma dar 10:30 khan Chanmari YMA Hall-ah SCERT chuan  2nd State Level Student Science Drama Competition an buatsaih.

Pi Malsawmthangi, Director SCERT chu khuallian niin a hmanpui. Thu sawiin, zirlaite chu taima tur leh mahni ke a ding thei tur a fuih in, midang leh chhungte rinchhan ringawt a nung lo turin a chah. Zirlaite chu ram pawn thleng a hnathawk thei tur leh zir turin a chah bawk a ni.

He drama competition in a tum ber chu zirlaite, zirtirtute leh Science zirna lama mi tuite tih phur nan leh Science zirna tihhmasawn nan leh a tangkaina drama hmanga puanchhuah a ni.

He drama competion hi High school naupang tana buatsaih a ni a, State Level a ti tha ber team hian State aiawhin Eastern Zonal Drama Competition, ni 28th July, 2011 Kolkata a neih turah Mizoram ai an awh dawn a ni. Lawmman pakhatna dawngtu chu Staines Memorial School Chanmari, Aizawl an ni.