2606/2023-2024
3-Mamit (ST) A/C Independent Candidate Pi Lalramdingngheti chu tunhnaia video viral chungchangah Pu V.L. Remliana, Returning Officer, 3- Mamit-in insawifiah tura a koh angin vawiin tlai khan RO office-ah a inlan.
Pi Lalramdingngheti, Independent Candidate-in Bru hnamte hnena a thusawi chungchangah hnam leh hnam inkara inunauna tichhe thei lam zawnga ngaih theih a awm avang leh Model Code of Conduct bawhchhiat theihna a nih avangin RO hian ni 4th November, 2023 hma ngeia insawifiah turin a koh a. Hemi chungchangah hian Pi Lalramdingngheti chuan chi leh chi, hnam leh hnam inkara inhmelmakna leh inunauna tichhe tur lam hawi zawng a sawi a nih loh thu sawiin, Pathianin Bru unaute chu Israel thlahte an nihna hrilhhriat ngaia a hriat avanga lo sawi palh a nih thu a sawi a. RO hnenah amah ngei inlanin ngaihdam dilin thupha a chawi a ni.
Pu V.L Remliana, Returning Officer, 3- Mamit chuan tunhnuah hnam thila inlaichinna tichhe thei zawng a, thu sawi tawhlo tur leh Model Code of Conduct bawhchhiatna mai bakah India danpui palzutna a nih thu a lo hrilh a ni.
