Vawiin chawhma dar 11:30 khan Tiberaghat Field-ah 34 Central Young Chakma Association General Conference neih a ni a. He conference-ah hian Pu John Rotluangliana, Dy. Speaker, Govt. of Mizorm chu khuallian a ni.
Thusawina neiin Pu John Rotluangliana chuan CYCA Gen. Conference-ah khuallian tura sawm anih avang leh an sawmna te ti hlawhtlinga hun a hman theih avangin lawmthu sawina te neiin he conference palai leh mipui thlengtu zawng zawng te chibai bukna a hlan a ni. A sawizelna ah Mizorama hnam hrang hrang Mizo te, Pawi te, Mara te Hmar te leh Chakma etc. hi Mizoram mi vek kan nih avangin intihhranna rilru nei lova lungrual taka lengza a awm ho turin a fuih. Tawng hi inuauna, inpumkhatna leh thawhhona atan a pawimawh avangin kan thiam tawn vek a tha a, Mizo tawng hi Chakma te pawhin thiam lo chung pawha zak lova tawnga zirthiam turin a fuih. Chakma te hi Mizoram Politics ah hun pawimawh tak in luah a, Congress sorkar hmasa ah pawh Minister of State changin tuntumah pawh Pu Lal Thanhawla kaihhruaina hnuaiah bawk Minister of State in chang leh hi thil chhinchhiah tlak a ni a ti. YCA leh YMA te hi Mizoram tan leh Mizoram hmasawnna turin in thawhho a ngai a ni a ti bawk. Tun sorkar hian NLUP a kalpui leh dawn a, hei hi pitar leh putarte tan nilovin thalaite hmasawn nan leh intodelh nan kan hmang tur a ni a. A chhawrtu ber pawh thalaite hi in ni tur a ni a ti.
Pu Nihar Kanti Chakma, MoS, khual zahawm nibawk pawhin thusawiin he conference thupui Chakma te ei leh bar leh zirna hmasawn dan tur hi kan zavaia thupui tur a ni a ti. Computer Age ah kan cheng tawh a, kan hmanlai nun leh rilru te kalsanin eng competition pawh hmchhawn ngam turin Quality Education neih leh intodelh kan tum tur a ni a ti. NLUP hi ka bialah a vawikhatna atan chhungkaw 600 hnenah pek a ni dawn a. Hei hi kan hlawhtlin pui ngei ngei tur a ni a ti. Chi leh chi inthliarna awm lovin Mizoramah lungrual takin kan chengho tur a ni a ti bawk.
Mizoramah hian YCA hi Zone 9 ah thenin member 41514 awmin tun tum YCA conference-ah hian palai 1396 an kal a ni. He conference hi hnam lam leh zai chi hrang hrang entirin hlim taka hman a ni.
Pu Nihar Kanti Chakma, MoS, khual zahawm nibawk pawhin thusawiin he conference thupui Chakma te ei leh bar leh zirna hmasawn dan tur hi kan zavaia thupui tur a ni a ti. Computer Age ah kan cheng tawh a, kan hmanlai nun leh rilru te kalsanin eng competition pawh hmchhawn ngam turin Quality Education neih leh intodelh kan tum tur a ni a ti. NLUP hi ka bialah a vawikhatna atan chhungkaw 600 hnenah pek a ni dawn a. Hei hi kan hlawhtlin pui ngei ngei tur a ni a ti. Chi leh chi inthliarna awm lovin Mizoramah lungrual takin kan chengho tur a ni a ti bawk.
Mizoramah hian YCA hi Zone 9 ah thenin member 41514 awmin tun tum YCA conference-ah hian palai 1396 an kal a ni. He conference hi hnam lam leh zai chi hrang hrang entirin hlim taka hman a ni.
