Tahrik Ni 25 November, 2013 a Mizoram Legislative Assembly inthlanpui neih zawh tak chu tukin zing dar 8:00 khan Saiha District a Contituency pahnih 39-Saiha (ST)Assembly Constituency leh 40-Palak (ST) Assembly Constituency a vote tla te DCs Conference Hall Saiha-ah chhiar tan niin heng bial pahnih a vote tla te hi chhiar zawh tawh niin Candidate te vote hmuh dan chu hetiang hi ani. 39-Saiha (ST) Assembly Constituency ah hian Vote 18265 awm in Vote 14435 a tla a, vote tlak dan chu za zelah 79.03 % ani. He Bialah hian MDA Candidate Pu Dr K.Beichhua chuan Vote 7324 a hmu a, INC Candidate Pu S.Hiato chuan Vote 7102 a hmu a, Pu F.Lalhmachhuana ZNP Candidate chuan Vote 272 a hmu bawk ani. He Bialah hian NOTA Vote 59 a tla a Vote thi pathum a awm bawk a ni. He Biala Vote hmu sangber Pu Dr K.Beichhua chuan Vote 222 in amah hnaihber tu Pu S.Hiato chu a hneh ani.

40-Palak(ST) Assembly Constituency ah hiam Vote 15439 awmin Vote 12694 a tla a, za zelah 82.22 % a tla ani. He Bialah hian INC Candiadte Pu Hiphei chuan Vote 7251 a hmu a, MDA Candidate Pu P.P. Thawl chuan Vote 5433 a hmu a, He Bialah hian NOTA Vote 72 tla in Vote thi 4 a awm bawk ani. He Biala Vote hmu sang zawk Pu Hiphei INC Candidate chuan Pu PP Thawla MDA Candidate chu Vote 1818 in a hneh a ni.