Kar hnih awh tur India International Trade Fair(IITF 2019) vawi 39-na (14-17 Nivember, 2019) chu  Union Minister for Micro, Small and Medium Enterprises Pu Nitin Gadkari chuan Pragati Maidan, New Delhi ah November ni 14, 2019 khan a hawng a, Union Minister of State for Commerce and Industry Pu Som Parkash pawhin he hun hi a hmanpui bawk.

IITF  2019 ah hian India ram state hrang hrangte bakah Foreign atangin Australia, Bahrain, Bangladesh, Bhutan, Britain, China, Egypt, Hongkong,  Indonesia, Iran, Myanmar, Nepal, Thailand leh Tunisia te an tel ani.

He fair ah hian Afghanistan chu partner Country a ni a, South Korea chu Focus Country a ni. Bihar leh Jharkhand te chu partner State a thlan an ni bawk.

Mizoram aiawhin Commerce and Industries Department Deputy Director Pu V. Lalrinawma hovin official 4 leh Enterpreneurs 11 an tel a, Stall 11 an siam a ni. Heng Stall ah te hian Handloom and Handicrafts, Cane and Bamboo, Thingpui leh Aieng te pho chhuah a ni a. Agriculture Department aiawhin Mission Organic Mizoram (MOM), Horticulture Department aiawhin Zo Anthurium Growers' Crop Society, Mizoram leh Tourism Department aiawhin Evergreen Tours and Travels leh Hotel Regency te an in phochhuak a ni.

He  International Trade fair hi state hrang hrangte hian an ngai pawimawh em em a. Mizoram sawrkar pawhin sum indaihlohna karah pawh he Fair hi ngai pawimawh a Exhibitors engemawzat a kal tir  thin avangin Entrepreneurs ten sumdawnna zau zawk  an neih theih phah thin a, an lawm hle ani.

Attachment

  • Loading attachment...