February 9 - 10, 2017 chhunga neih mek 3rd International Congress on Green Urban Futures Mountain & the City of India (ICGUFM&C), International Centre, New Delhi a neih mek chu Pu Zodintluanga, UD & PA Minister chuan khuallian (Chief Guest) niin a hmanpui a. He hun hi MP te, Central sawrkar Secretary te, Ministry of Urban Development atang te, National Disaster Management Authority atang te, University of Massachusetts, USA, Germany, ICRIER atang te, IIT, SPA leh Himalayan Region State hrang hrang a Secretary te an tel kim hle a ni.

Mizoram UD & PA Minister chuan hawnna thu sawiin, tlangram khawpui te tan chuan tuna sorkar-in a kalpui mek ‘One size fits all’ hi hmang lova, Himalayan Mountains te pual bika hmasawnna ruahmanna siam a tul thu uar takin a sawi a, he ICGUFM&C khawmpui hi hmathar tha tak siam a nih theih rah tha thlentu anih a beisei thu a sawi bawk.

UD&PA Minister hi C. Vanlalramsanga, Secretary, UD&PA in a tawiawm a, session khat hruaiin pannel discussion ah a tel a, Pu Vanlalmawia, Joint Secretary, UD&PA, Pu Valbuanga, Project Director,SIPMIU leh Pi Ethel Rothangpuii, Secretary, AMC ten an tawiawm bawk a ni.

Pu Zodintluanga hi University of Masachusetts te Himalayas - Mountains of Life tih an hlan bawk. Minister hian ‘mountaincities.org’ website a hawn (launch) sak bawk a ni.