40-Palak (AC) Bialtu MLA Pu KT.Rokhaw chuan   Covid-19 kaihhnawih thila a tulna apiang, a bial chhunga  hman turin  District Level Task Force, Chairman leh Bawrhsap ni bawk Pu Bhupesh Chaudhary,IAS hnenah a MLA Fund atangin Rs.10,00,000/- a hlan.

Pu KT.Rokhaw MLA   chuan COVID-19 laka  Siaha District, a bikin a bial  Palak constituency a him theih nana  zing-zan pawh thlu lova thawktu  Sawrkar mi leh sa te bakah Tlawmngai pawl hrang hrang te, Village Council te, zirlai pawl te chungah lawmthu ka sawi mawlh mawlh a ni, a ti.

Palak Constituency mipui te chu covid-19 dona kawnga Sawrkar  leh Task Force te hmalakna chu lo thlawp tlat tur leh hlauthlabar a awm lova, fimkhur hle tur erawh chuan a châh hlawm. Pu KT.Rokhaw chuan Kristian kan nih piah lamah,  hetianga hun harsa leh khirkhan kan han tawh chiah hian kan zonun zemawi kan mausam tawh emawh kan ti: Sem sem dam dam;ei bil thi thi, tih leh Thih leh ruamkhatah; dam leh tlangkhatah,  tih hi a lo parvul leh  thin a ni.  Kan DLTF/VLTF chak tak an awm a,  an area chhunga chhuanchham chhungkua an  awm hi an phalh dawn lo hulhual, tih hi ka chiang  a ni, a ti.

Pu KT.Rokhaw chuan a bial mipui te  Pathian awmpuina  leh venna dila an tawngtai apianga amah leh a chhungte pawh hre ve reng turin a chah hlawm.