Vawiin chawhma dar 10 : 30 khan “Krishi Vigyan Kendra (KVK)” Saiha District te chuan “5th Scientific Advisory Committee” D.C’s Conference Room, Saiha-ah an nei.

He meeting hi Pu H.Thangkhuma, Director cum Chairman, Scientific Advisory Committee, Directorate of Agriculture(R&E) Aizawl chuan a kaihruai a, kalkhawmte lawmna thu sawiin meeting neih a nih chhan leh a pawimawhnate a sawifiah nghal a ni.

Dr Vanlalhruaia Hnamte, Programme Co-ordinator, KVK, Saiha chuan Annual Progress Report 2014-2015 leh Annual Action Plan 2015-2016 te pharhin an hmalakna hrang hrang leh an hmachhawp mek te chipchiar takin a tarlang a, sawihona hun te neih a nih bakah Annual Action Plan (2015-2016) chu pawm a ni.

Meeting-ah hian Saiha KVK hnuaia Line Departmenrt hrang hrang hotu te, Head of Department te, Tlawmngaipawl hruaitu te leh Chanchinbumite an tel thahnem hle a, Pu Lalthanliana, Superintendent Cum Accountant, KVK Saiha chuan lawmthu sawina a neih hnu-ah he meeting hi tih tawp a ni.