No.7076/2020-2021 

Nimin chawhnu khan Lunglei District Screening Committee on PMAY/HFA chu an Chairman Pu. V. Lalsangliana hovin an thu khawm.

Pu V. Lalsangliana, Deputy Commissioner & Chairman Lunglei District Screening Committee on PMAY/HFA chuan UD&PA Department hnathawh fakin "Miharsa leh rethei te tan  nasa taka hma an lak avangin In leh Lo neilo tam takin chenna In an neih phah a, hei hi Lunglei District tan hmasawnna ropui tak a ni", a ti. 

Pu Andrew Lalhruaia, DUDO & Member Secretary pawhin Lunglei District a PMAY/HFA-Urban Mission hmalak dan te a sawifiah a, DUDO chuan “Hmanni lawk Dt.1.1.2021 khan India ram pum a PMAY/HFA - URBAN hnuai In sa tha te Award – Best house construction Award an tih chu Pu P.Lalhmachhuana H/O Pi. Lalhmangaihi .Salem Veng, Lunglei ten an dawnga . He Award hi India ram pum ah mi 88 chiah in an dawng thei a, Lunglei District in hetiang dawng thei Beneficiary hi kan chhuang hle a, Lunglei District an ti hming tha hle a ni,” a ti bawk.

Meeting chuan Lunglei 3rd DPR- Lunglei atan Plan of Action in a lo duan tawh zulzui in Beneficiary 526 te chu a pawm fel a. Tin, Tlabung town 2nd DPR tan pawh  Beneficiary 150 te chu lawm takin an pawm a ni.

He Committee ah hian Lunglei District chhunga MLA te chu Member an nih angin  Dr.K. Pachhunga MLA bak ah MLA dang te pawhin an  aiawh an rawn tir vek a, Committee Member te an tel kim hle a ni.

Attachment

  • Loading attachment...