Vawiin chawhma dar 10:30AM khan DC's Conference Hall, Siaha-ah " Greater Participation for a stronger Democracy" tih thupui hmangin 6th National Voters' Day chu hlawhtling taka hman a ni.

He National Vpters' Day hmanna inkhawm hi Pu FC Lalrinawma, UDC, DC Office chuan a kaihruaia, Pu R.Zarzosanga IAS, District Election Officer leh Bawrhsap ni bawk chu khuallian a ni.

Khuallian chu thusawiin, Vote kan neih hlutzia hria a ngaisang thiam turin kalkhawm te chu a chah a, vote kan thlak hian kan aiawh kan thlang a ni tih i hrechiang ang u, a ti. Election Branch le Election buaipuitu thawhrimna zarah kan Electoral Roll felfai leh rintlak kan tichhuak leh thei hi a lawmawm hle a ni, a ti bawk. Pu N.Chakhai ERO pawhin thusawiin, BLO, VC leh Tlawmngai pawl hrang hrangte E/Roll buatsaihna kawnga an thawhrimna-ah lawmthu a sawiin, Vote thlak theia kum 18 chinin Right kan neih hi India ram Democracy Lungphum a ni, a ti bawk.

He ni hmanna-ah hian BLO hnathawk tha thlanchhuah 2 Pu Hrangkhuma,39-Saiha leh Pu Lalthanzauva 40-Palak Assembly Constituency te hnenah chawimawina certificate leh tangkafai Rs.3000/- ve ve hlan nghal an ni. Pu Lalremruata Sailo SDC/AERO, Siaha in EPIC a neih thar te hnenah EPIC Card a hlan nghal a ni.