Mizoram Art & Culture Employees Union (MACEU) chuan ni 22.8.2011 a chanchinbu hrang hranga Art & Culture Director Charge inhlan har chungchanga Political Party pakhat press release a lo lang kha pawi an tih thu tarlangin a hnuai ami ang hian Press Release an siam :

Kan sorkar chak tak, kan Chief Minister zahawm tak leh DP&AR Minister leh Art & Culture Minister zahawm tak leh kan Director Charge la mektu Pi B. Sairengpuii remruatna leh hmalakna avangin sorkar notification No. 22012/1/2003-DP&AR (CSW) dt. 26.7.2011 chhuakah, Director hna pawh Joint Director lak tur a tih a ni, an ti.

Art & Culture Department R/R in Joint Director atanga Director charge la tura ala phak loh chunga, kan Joint Director tanglai Director charge la tur a Notification awm hi MACEU chuan lawmawm a ti takzet a, charge an la inhlan hrih loh avanga, Art & Culture Department duhsaktu sorkar, kan R/R in a phak bak thleng a hma min laksaktu Chief Minister zahawm tak leh Minister dangte sawi chhiatna lo lang hi pawi a ti hle, an ti bawk.

MACEU chuan Joint Director in Director charge la tura Notification awm hi a lawm em em a. Kan sorkar hotute zawng zawng chungah lawmthu a sawi a. Hetih laia chanchinbu ah CM leh a chhung khatte thlenga rinthua political party thenkhatten an beihna thu lo chhuak hi tha a ti lo a, a pawi a ti takzet a ; hetiang thil hi awm tawh lo se MACEU chuan a duh a ni, tih an tarlang bawk.