Directorate of Animal Husbandry & Veterinary Department chuan kum 2010 - 2011 chhunga District hrang hrang Annual Performance Report a ti chhuak a. Kum 2010 - 2011 chhung khan OPD-ah ran dam lo 220157 enkawl niin Mobile Clinic-ah ran 26453 enkawl a ni a. A.H & Vety Department report-a a lan danin ran 554056 lakluh niin chung zinga 547416 chu Kolasib district atanga lakluh a ni. A.H & Vety Department  chhinchhiah ran talh 513946 awmin Aizawl district-ah 187276 talh a ni a, Lunglei district-ah 127040 talh a ni bawk; ran talh tlemna ber chu Lawngtlai district niin ran 4740 talh a ni. Report huam chhung hunah hian ran 26490 zai niin ran 74684 lai vaccination pek a ni bawk.

A.H. & Vety Department hian kum 2010 - 2011 chhung hian revenue Rs. 19,27,808/- hmu chhuakin district hrang hrangte dinhmun chu hetiang hi a ni: Aizawl -  Rs. 8,69,399/-; Lunglei - Rs. 1,01,173/-; Saiha - Rs. 93,825/-; Champhai - Rs. 65,105/-; Kolasib - Rs. 4,55,594/-; Serchhip - Rs. 2,18,622/-; Mamit - Rs. 1,08,068/-; Lawngtlai - Rs. 16,022/-.