Vawiin khan Directorate of Sport & Youth Services buatsaihin Mamit District Hospital-a a mamawh a piang te hman turin thisen pek a ni. Pi Lalbiaksangi, District Bawrhsap, Patron , Mamit District Sport Committee chuan he hun hi khuallian niin a hmanpui.

He mi pual inkhawm tawi Eye Building, District Hospitala neih  Pu H. Lianzela Addl D.C  kaihruaiah  Pi Lalbiaksangi District Bawrhsap chuan midangte tana malsawmna ropui tak thlentu ni tura thisen petute chungah lawmthu a sawi a, he hun buatsaihtu Sport & Youth Services te chungah lawmthu a sawi, a mamawh apiangte hman tura thisen pe tute zawng zawng duhsakna a hlan bawk a ni.

Pu Lalhuma Secretary, Mamit District Sport Committee chuan report pe in Blood Donation buatsaih a nih dan leh Mamit District Sport Committee huaihawtna hnuaia hun buatsaih a nih dante a sawifiah.   

Pu Zonunmawia Blood Bank Technician chuan Mamit District Hospital ah hian hun rei tak a tang khan Blood Bank lamten Power Supply that loh vang leh a vawn thatna lam that loh vangin thisen an dawng tam thei lova, mi inphal thisen pe tur te pawh laksak theih loh chang a awm thin a ni. Tun dinhmunah  khawl thar an neih tak a vangin  Power Supply a that chuan thisen unit 400-500 dahthat theih a nih tawh thu a sawi.  

Vawiin a thisen petute hi Mipa 18 leh Hmeichhia 2  an  vaiin mi  20   an ni a.  Donors te hnenah hian Rs 40 (sawmli) theuh pek an ni bawk.  He hunah hian Mamit Distict Hospitala thawktute, District Sport Committee hruaitute bakah thalai infiam mite an tel a ni.