Vawiin khan Pu Lalfakzuala IAS (Rtd) Vice Chairman, Aizawl Development Authority (ADA) hovin ADA Building Regulations siamthat tum dan sawihona Agriculture Conference Hall-ah neih a ni.
ADA Building Regulations, 2008 hi duan a nih laiin khawpui danga hetiang dan an hmante ngun taka zir a ni a. Khawpui dang dante chu a tlangpui thuin a khirhin a chipchiar a, Aizawl atan han hman ve mai chi an ni lo a. A lehlamah chuan dan mawlmang lutuk siam a nih chuan Aizawl khawpui chep zual zel tur leh a him lo lutuk hi ven zawh loh a hlauhawm bawk si a. Hengte avang hian a zau thei ang bera inrawna sawihovin, Aizawl tana tha ber tur nia hriat angin, tuna Regulations ding lai hi siam a ni ta a. He Dan siamtu, khatih laia Sorkar pawh khan han hman phawt a, a tha lo laite siam that tura tawngkama thu dah a ni.
Building Regulations hi kum khat vel hman a nih hnu khan siam that ngai lai apiangte siam tha tura hma lak tan a ni a. Sorkar Department hrang hrang te, service association te, NGO leh Kohhran hrang hrangte pawh an ngaihdan zawh an ni a; ngaihdan rawn sawite chu sawiho pui an ni a. Tunah hian siam that dan tur ruahmanna chu peih a ni tawh a. He ruahmanna hi a zau thei ang bera sawi ho leh hnuah Authority hmaa pharh tum a ni.
Building Regulations hi ngunthluk taka siam pawh ni se, kenkawh harsa leh remchang lo lai a awm theih rin a ni a. Hei vang hian a englai pawh ngaihhnathiam theih dan (relaxation) siam a ni a. Regulation 45-ah chuan Regulations-a a englai pawh hi hman theih loh emaw, hman atana tha lo emaw a nih chuan Relaxation Committee-in ngaihhnathiam theih dan a ngaihtuah hnuah thutlukna siam tur a ni a. He Committee hian ngaihhnathiam dan tur ruahmanna (relaxation guidelines) a siam a. Heng guidelines-te hi hman mek a ni a, tunah Regulations-a seng luh tum a ni.
Regulations hi kawng hrang hranga siam that tum a ni a. Siam that tum dan ruahman pawimawh zualte chu - hmun awl zuah tur (set back) chungchang; in sak phalna dilna a drawing thil tel tur; in sak san zawng phal theih chin; Technical Personnel (Architech, Stuctural Engineer/Engineer, Supervisor) te chungchang; tih tur leh mawhphurhna hriat; Floor Area Ratio (F.A.R.) leh Ground coverage leh in sak dan tur te, vertical leh horizontal extension leh ADA ah plans/drawings atan cell hrang siam te an ni.
Vawiin meeting-ah hian mi sawmte an kal tha hle a, sawihona zau taka neih a ni.
Building Regulations hi kum khat vel hman a nih hnu khan siam that ngai lai apiangte siam tha tura hma lak tan a ni a. Sorkar Department hrang hrang te, service association te, NGO leh Kohhran hrang hrangte pawh an ngaihdan zawh an ni a; ngaihdan rawn sawite chu sawiho pui an ni a. Tunah hian siam that dan tur ruahmanna chu peih a ni tawh a. He ruahmanna hi a zau thei ang bera sawi ho leh hnuah Authority hmaa pharh tum a ni.
Building Regulations hi ngunthluk taka siam pawh ni se, kenkawh harsa leh remchang lo lai a awm theih rin a ni a. Hei vang hian a englai pawh ngaihhnathiam theih dan (relaxation) siam a ni a. Regulation 45-ah chuan Regulations-a a englai pawh hi hman theih loh emaw, hman atana tha lo emaw a nih chuan Relaxation Committee-in ngaihhnathiam theih dan a ngaihtuah hnuah thutlukna siam tur a ni a. He Committee hian ngaihhnathiam dan tur ruahmanna (relaxation guidelines) a siam a. Heng guidelines-te hi hman mek a ni a, tunah Regulations-a seng luh tum a ni.
Regulations hi kawng hrang hranga siam that tum a ni a. Siam that tum dan ruahman pawimawh zualte chu - hmun awl zuah tur (set back) chungchang; in sak phalna dilna a drawing thil tel tur; in sak san zawng phal theih chin; Technical Personnel (Architech, Stuctural Engineer/Engineer, Supervisor) te chungchang; tih tur leh mawhphurhna hriat; Floor Area Ratio (F.A.R.) leh Ground coverage leh in sak dan tur te, vertical leh horizontal extension leh ADA ah plans/drawings atan cell hrang siam te an ni.
Vawiin meeting-ah hian mi sawmte an kal tha hle a, sawihona zau taka neih a ni.
