Vawiin (15.2.2017) khan National Institute of Rural Development & Panchayati Raj, North Eastern Regional Centre (NIRDPR-NERC), Guwahati leh State Institute of Rural Development & Panchayati Raj (SIRD&PR), Mizoram, Durtlang Leitan tangkawp buatsaihin “Integrated Planning for Autonomous District Councils (ADC)” Training ni li chhung awh tur chu Pu Rodney Lalrinawma Ralte, Secretary, District Council Affairs, Government of Mizoram chuan State Institute of Rural Development & Panchayati Raj (SIRD&PR) Conference Hall, Durtlang Leitan-ah a hawng.

Training hawnna thu sawiin, Pu Rodney-a chuan hmasawnna kawng zawh tur chuan ruahmanna tha a pawimawh a, United Nation pawhin Khawvela retheihna um bo anih theih nan ruahmanna te a siam a, chutiang ang bawk chuan keini pawhin kan huamchhung hmasawnna tha a awm theih nan leh retheihna um bo na atan ruahmanna tha kan siam a pawimawh a. Sawrkar Scheme/Programme hrang hrang te kaihkawp (convergence) thiam te pawh hmasawnna atan a pawimawh hle a ni. Chutiang tur chuan ruahmanna (Plan) te pawhkansiama pawimawh a ni a ti. Training tura kalkhawmte chu hlawkpui ngei tura taima taka an District Council tana Training neiturina sawm a ni.

Training hawnna hun hi Pi Maria C.T. Zuali, Director, SIRD&PR, Mizoram kaihhruaiin, Training nei tura hmun hrang hrang atanga rawn kal khawmte lawmna thu sawiin, NIRD&PR-NERC in he Training thleng tura a thlan avangin lawmthu a sawi bawk a ni.

Training Course Director Dr. M.K. Shrivastava, Assistant Professor, NIRD&PR-NERC, Khanapara, Guwahati chuan Training neih dan tur tlangpui sawiin, India hmarchhak State hrang hrang atanga Autonomous District Council-a Officer chin tana he Training hi buatsaih anih thu a sawi bawk a ni.

Training chhung hian Course Director lehMizoramUniversitymithiam te’n kalkhawmte hi zirtirna an pe dawn a ni.