Kangmei chhuak avanga harsatna tam tak kan tawhte, mihring nunna hial kan chante hre rengin leh Lunglei District kangmei hlauhawm vanga kan him theih nan Pu R.Vanvengpuia, Addl. District Magistrate, Lunglei District, Lunglei chuan Sec. 144, Cr.P.C 1973 in thuneihna a pek angin a hnuai ami ang hian thupek a chhuah a ni.

1. Lunglei District chhunga Lo, Leipui leh Huan ram vat ten March ni 15, 2020 ral hma in an hal vek tur a ni.
2. Lo, Leipui leh Huan hal tur ten meilam tha takin an sial tur a ni, vah chin bak an tikang tur a ni lo.
3. Ram leh In tikang thei meizial bung leh a dangte an paih mai mai tur a ni lo.

He thupek bawhchhiate chu Section 188 IPC angin hrem theih a ni ang.

He thupek hian Lunglei District-ah thupek tihchhuah ni atanga thla 2 (hnih) chhung a huam ang.