Nimin khan Pu Dharam Pal, Addl Secretary, Ministry of Chemicals and Fertilizer, Govt of India  Mamit District Prabhari chuan Mamit District in hmasawnna hmel a hmuh leh zual theihna tura a mamawh hrang hrangte hmalak pui dan tur sawiho turin Mamit a tlawh. 

Pu Dharam Pal Addl Secretary chuan vawiin khan Tourist Lodge Mamit-ah District Bawrhsap Pi Lalbiaksangin lo dawngsawngin D.C Conference Hall, Mamit-ah District chhunga Department hrang hranga hotute nen Mamit District hnufualna chhan leh harsatna kan tawhte bakah chawikang nih theihna tura hmalak dan tur sawiho zui nghal a ni.

Meeting kaihruaitu Pi Lalbiaksangi District Bawrhsap chuan Mamit District chu India ram puma District hnufual chawikan ngai thlanchhuah 115 zingah kan tel ve thu sawiin kan District in hmasawnna kawng a zawhna tura min viltu  (incharge) a tan Pu Dharam Pal Addl Secretary, Govt Of India chu ruat a nih thu a sawi. 

India rama District hnufual chawikan ngai thlanchhuah te hi Computer Generated hmanga thlanchhuah an ni a, heng tehna ( paramiters) hmang hian  Mamit District dinhmun pawh hi teh a ni a, chung tehfung hrang hrangte chu kuthnathawk ei zawng mahni puala ram nei lo,  25%,  nu paite enkawl dan 7.5%, damdawi ina nau neihdan dinhmun 7.5%, naupang kum 5 hnuailam thangthei lo 7.5%, naupang kum 5 hnuailam hriselna that loh avanga dinhmun 7.5%, Elementary drop out 7.5%,  naupang zirtirtu ratio 7.5%, curent luh lohna khua 7.5%, inthiarna nei lo chhungkua7.5%, kawngpui pawh loh khua 7.5%, tui hnianghnar lo khua 7.5%,  hmang ten teh an ni. 

Mamit District thlanchhuah kan nihna tehfung hrang hranga kan dinnmun te meeting-ah hian thlirho a ni a, tan lakna tur Department hrang hrang ten kan hnufualna (parameters) kawng hrang hrang chawikang turin hian hnathawh dan tur leh hmalak dan tur felfai taka siamin District Bawrhsap office ah thehluh ni se tiin meetingah hian rel a ni. 

Meeting-ah hian Mamit District chhunga hmasawnna kaihnawiha Department hrang hrangte an tel a ni

Attachment

• Loading attachment...