3407/2023-2024

Aizawl, the 20th January 2023: Nimin khan Aizawl West I bialtu MLA Pu TBC Lalvenchhunga, Adviser to Chief Minister (Finance) chuan Finance Minister Pi Nirmala Sitaraman chu a office-ah hmuin sawrkar thil pawimawh hrang hrangte a sawipui a. Hemi hnu hian mi pawimawh dang pawh a dawr nghal bawk.

Pu TBC Lalvenchhunga chuan Mizoram sum leh pai dinhmun te, Centrally Sponsored Scheme, Central Sector Scheme leh fund hrang hrang hmanga Mizorama hna thawh a nih thin dan te, sawrkar tharin ram hmasawnna atana ruahmanna thar a neih hrang hrangte a thlen a. Central Sorkar chhawmdawlna an dawnte chu tha taka lo kalpui an tum thu te pawh sawi.

Pu TBC Lalvenchhunga chuan  January ni 19 vek khan NITI Aayog-a senior permanent member, economist Dr Arvind Virmani hmuin sawrkar thil pawimawh sawina hun țha tak an neih pui a. Dr Arvind Virmani bakah hian Pu TBC Lalvenchhunga chuan Mizoram leh Meghalaya bialtu Hemant K Meena, Deputy Secretary chu Mizoram sawrkar hmalak dan leh kalphung hrang hrangte sawipuiin NITI AYOG Member for North East Dr Paul, Additional Secretary Pu Radha leh mi dangte pawh Thawhțan lamah a hmu leh bawk ang.