1051/2025-2026
Lawngtlai the, 3rd July, 2025 : Vawiin chawhma dar 11: 00 AM khan Lawngtlai District Agriculture Marketing Committee, buatsaihin Lawngtlai District tana kum 2024- 2025 - a Sawhthing lei leh hralh kharna hun chu DC Conference Hall- ah hmana ni a. He hunah hian Dr.Lorrain Lalpekliana Chinzah, Adviser to Chief Minister (H&FW, A& FW) leh  Lawngtlai East bialtu MLA nibawk  chu khuallian niin, Pu Cheemala Siva Gopal Reddy IAS, Deputy Commissioner leh Chairman, Lawngtlai District Agriculture Marketing Committee, chuan inkhawm hi   a kaihhruai.

Dr.Lorrain Lalpekliana Chinzah, chuan  Sawhthing lei leh hralh kharna hun  hman a ni chu  lawmawm a tih thu tarlangin, a hlawhtlina tura tha leh zung sengtu department- te chungah lawmthu a sawi a. Kut hnathawktute chawikan chu Mizoram sawrkar au hla ber anih angin, kut hnathawktuten hlawkna tak tak an dawng nia ahriat thu sawiin, mimal takin chhinchhiahtlak a nih thu a tarlang a. Adivser to Chief Minister chuan  Sawhthing bikah  sawrkarin kg- 1 cheng 50-a leisak a nih  thu tarlangin, Mizoram pumpuiah  sawhthing hralhna ah hian  cheng vaibelchhia 17.38  hmuh niin, sawrkarin cheng vaibelchhia 67.55- a senbelh a ni,  a ti. Theihtawp chhuaha mahni kutke a eizawngte tan Banakaih policy duan a nih thu sawiin, MLA chuan sawrkarin kut hnathawktute  chawikan leh a tak ram thlenpui zel a tum tih a tarlang bawk. Dr. Lorrain Lalpekliana Chinzah  chuan  Lawngtlai District tan Agriculture Sector- a pawimawh tak zet tiin, sawrkar department hrang hrangte  pawh theih tawp chhuahpui zel turin a chah  nghal a ni.

Pu Cheemala Siva Gooal Reddy, chuan DAMC Member-te thawhrimnaah lawmthu sawiin, kut hnathawktute tana an inpekna chu a chhuanawm hle a ti a. Agriculture, Horticulture leh AH & Vety Department-te tan la thar zel tura fuihin, kut hnathawktuten  hlawk zawka an thar chhuah theih nan inzirtirna lawm  pawh uar zawka kalpui turin a sawm nghal  bawk.

Pu Lalremmawia Colney, DAO & Member Secretary, DAMC, Lawngtlai chuan report pein sawhthing chungchanga DAMC hmalakna hrang hrang a tarlang a. Sawhthing bikah Secondary Collection Centre ( SCC)  pali - Bungtlang SCC, Sangau SCC, Siachangkawn SCC leh Diltlang SCC ah te lakkhawm a ni, a ti a. Sawhthing lei leh hralh Phase-  I hi Ni 20,  Febuary, 2025 atanga Ni 20, March, 2025 thleng kalpui niin, sawhthing Kg- 1,79,769  leina atan Rs.89,88,450  hman niin,  sawhthing chingtu mi - 212 hnenah pek a ni a.  Phase-  II hi Ni 21, April 2025 atanga Ni 15, June, 2025 thleng kalpui niin sawhthing kg - 1,98,618  leina atan Rs.78, 32,038 hman nibawkin, sawhthing chingtu mi- 248 hnenah pek a ni, a ti.

Vawiin Sawhthing lei leh hralh kharna hun hmannaah hian DAMC Member, Lawngtlai District-a sawrkar hotute leh MJA Lawngtlai aiawh te an tel thei a. Pu Caleb Vanlalrinngama, Assistant District Agriculture Officer, Lawngtlai chuan lawmthu sawina in hun a  khar.