2561/2024-2025

Champhai, 17th October, 2024: Tukin khan Adviser to CM (Technical), Champhai North bialtu ni bawk Er. H. Ginzalala chuan DC Pisa hmun hluia Champhai Auditorium sak mek chu a hmunah a tlawh.

Er. H. Ginzalala chuan hun rei tak aṭanga Champhai mipui ten an lo nghahhlelh tawh a taka bulṭan a ni dawn ta chu lawmawm a tih thu a sawi a. Auditorium hi sq. m 2878.6 a zau tur a ni a, mi 800-1000 bawr leng tur a ruahman a ni tih a tarlang. Champhai North bialtu MLA hian thawktute chu an hna uluk taka thawk chhunzawm zel turin a chah bawk a ni.

Champhai Auditorium sakna tur hi North Eastern Council (NEC) aṭangin cheng nuai 1295.98 hmuh a ni a. Hei bakah hian Mizoram sawrkar aṭangin Canopy siamna tur, parking area tihzauhna leh a panna kawng laihna tur sum hmuh a ni bawk. 

Champhai Auditorium hi tun dinhmunah a hmunhma laih rem hna thawh mek a ni a. A satu contractor SK Construction te chuan October thla chhung hian  bungrua inlak khawm fel a, sak ṭan vat theih an inbeisei thu he hunah hian an sawi a ni.