2339/2022-2023
Kolasib: Dated the 17th October, 2022: Tunlaiin Kolasib District chhungah African Swine Fever (ASF) leng mek chuan ziaawm lam a pan ni a hriat a ni a, amaherawhchu tun dinhmunah India ram State hmun thenkhatah he hri hi hmuh thar zel anih avangin he hri hlauhawm tak laka kan vawkvulhtu te vawk a lo him zel theih nan a hnuaia mi ang hian District Magistrate, Kolasib chuan Section 20 of The Prevention and Control of Infectious and Contagious Diseases in Animals Act, 2019 leh, Section 144 Cr.P.C. in thuneihna a pek angin thupek a chhuah.
1. Thenawm ram (Foreign Countries), State dang leh District dang atanga vawk, vawksa, vawksa rep leh vawksa atanga eitur, (frozen meat) siam reng reng lakluh leh thawnchhuah khap tlat a ni.
2. District leh district inkarah vawk leh vawksa lakluh a lakchhuah phal a ni lo. District chhunga khua leh khua pawh inlak päwlh loh tur a ni.
3. Vawk damlo reng reng talh leh hralh khap tlat a ni a, vawk damlo chu dah hran vat tur a ni. Vawk thi reng reng paih mai mai lovin, thuk takah phum bo nghal thin tur a ni.
4. Vawk talhtu ten vawk hrisel tha chauh an talh tur a ni. AH & Vety Deptt. atangin vawk hrisel leh mihring ei tlaka hrisel a ni ngei tih certify tir thin tur a ni.
5. Vawk damlo leh thi an awmin, AH & Vety Official-te hnenah hriattir vat tur a ni.
6. Hrileng darh zel loh nana vawk suat duh ten District tina AH & Vety Department ah dilna thehluh tur a ni.
He thupek hian chhuah anih atanga ni 60 chhung a huam anga, dan bawhchhia an awm chuan Section 188 IPC hmangin hrem an ni ang.
