2101/2025-2026
Kolasib Dated, the 11th September, 2025: District Magistrate Kolasib, Pu Robert C. Lalhmangaiha chuan Section 163 of BNSS, 2023 in thuneihna a pek angin African Swine Fever (ASF) leng mek chungchangah vawk vulh tute leh district mipuite him tlan zel theih nan a hnuaia mi ang hian thupek a chhuah.
African Swine Fever (ASF) leng mek chu Kolasib District-ah ziaawm lam a pan ni a hriat a ni a, amaherawhchu he hri hlauhawm tak laka vawk vulhtute leh mipuite kan him tlan zel theih nan a hnuaia mi ang hian thupek chhuah a tul a.
1. Ram dang leh State pawn atangin vawk leh vawksa, frozen pork, vawksa rep leh vawksa atanga siam reng reng Kolasib District chhungah lakluh khap tlat a ni.
2. Mizoram chhunga District dang atangin vawk, vawksa, frozen pork, vawksa rep leh vawksa atanga siam reng reng Kolasib District chhungah lakluh khap tlat a ni.
3. ASF hrilenna (infected area) puanna khua atangin vawk, vawksa, Frozen pork, Vawksa rep leh Vawksa atanga siam reng reng lakchhuah khap tlat a ni.
4. Vawk damlo reng reng talh leh hralh khap tlat a ni a. Vawk thi reng reng paih mai mai lovin, thuk takah chinai nena phum bo thin tur a ni.
5. Vawk dam lo leh thi an awmin A.H & Vety Official te hnenah hriattir vat tur a ni.
6. Hri lenna (ASF infected area) atanga hri darh zel loh nan Vawk suat duh ten A.H & Vety Deptt. ah dilna thehluh tur a ni.
He thupek hian chhuah anih atanga ni 60 chhung a huam anga, dan bawhchhía an awm chuan Section 223 BNS,2023 hmangin hrem an ni ang.
He thupek hi ni 10 September, 2025 hian Court Seal nen nemnghetin hmíng a ziak hnan a ni.
