No.4141/2020-2021  

Vawiin chawhma khan Barabi South Rural Haat ah Bairabi ramria African Swine Fever natna lak a invenna kalpui dan tur chungchangah Dr Zohlimpuia, Veterinary Officer, Bairabi leh Bairabi khawtlang hruaituten thutkhawmna hun an hmang a. Bairabi khawchhung vawksa a an intodelh theih dan tur te sawiho a ni.

Thutkhawmnaah hian African Swine Fever in Assam leh Arunachal pradesh ah vawk thahnem takin an thihpui tawh thu leh Meghalaya state alo thlen tawh thu ngaihthlak a ni a. African Swine Fever dona kawnga sawrkar thuchhuah dinglai inhrilhhriatna hun hman a ni. Vawk thi leh damlo sawmgbawlna kawng a hriattur pawimawhte sawi a ni bawk. Bairabi Vawk vulh Association chuan, Bairabi khaw chhung a ran talh turte chu Veterinary Officer endikna hnuai a kalpui thin nise tih an thlen a, Covid-19 vanga Bairabi ramria duty te nen African Swine Fever laka kan him theih nan vawk lut tur ven hna hi enpui ve nise tih rel a ni bawk.