Vawiin khan Administrative Training Institute, Aizawl buatsaihin Agriculture Conference Hall-ah Agriculture Department (Crop Husbandry) hnuaia Agriculture Extension Officers leh a hnuai lam, Field Officers leh Staff-te tana ni thum (3) awh tur ‘Intensive Training Programme’ chu bultan a ni.

Pu J. Lalzamliana, Director of Agriculture (Crop Husbandry) chuan he training programme hi hawngin, sorkar scheme hrang hrang thawk thei tur leh thiam turin intuaitharna neih zel a pawimawh thu leh chutiang atana ATI in training programme an buatsaih chu lawmawm a tih thu a sawi a. Department-in hma a lakna reng reng hi awmze neia kalpui vek a nih tawh thu leh, kuthnathawktute kawng dik leh tha kawhhmuh leh dawmkan chu thawktute tihtur a nih thu sawiin kalkhawmte a fuih a ni.

He ni thum (3) awh tur Training-ah hian training ah hian Directorate leh District hrang hrang atangin thawktu mi 130 vel an tel a. Department-in Scheme hrang hrang a thawh mekah te Agriculture mi thiamten Power Point hmangin zirtirna an pe a, Office kalphung leh hnathawh dan hrang hrang ATl Official-te hian zirtirna an pe bawk a ni.