Vawiin khan Agriculture Committee Room-ah Pu R.L Thanzuala, Joint Director (Technical) Agriculture Department kaihhruaiin Indian Institute of Oil Palm Research (IIOPR) Pedavegi, Andhra Pradesh a Principal Scientist Pathum (3) Dr.M.V Prasad, Dr.P Naveen Kumar, Dr.K.Suresh te leh Agriculture Department (Crop Husbandry) Officers ten Mizoram a Oil Palm chi siamna (Oil Palm Seed Garden) kal pui zel dan tur leh hemi atan ICAR-IIOPR, Pedavegi leh Mizoram Sorkar, Agriculture Department te thawh ho dan tur (M.O.U) chung chang sawi hona an nei.

Kum 2013 atang khan Chuanchung ram, West Serzawl, Mamit District-ah Oil Palm chi siamna (Seed Garden) chu Central Sorkar leh IIOPR, Pedavegi bul tum in hmalak tan a ni a, tunah hian ram hectare 16 vel a zau chu Oil Palm tiak phun theih tur a peih fel tawh a ni a, engemaw zat phun tawh a ni.

Oil Palm chi (sprout) hi India ramah duh khawp lei tur kan la neih loh avangin ram dang South East Asia ram viz- Thailand, Malaysia, Indonesia leh Latin America, Costa Rica leh Ivory Coast atang te a sum tam tak seng a lak luh thin a ni a, India Sorkar in a ngaih pawimawh em em Oil Palm hi N.E state dang te pawh chi tir ve tum a ni a, chuvangin Oil Palm chi (sprout) hi ramdang atanga lak luh ngai tawh lovin he Oil Palm Seed Garden hmang a Oil Palm chi a N.E states te intodelh theih na tur a tan a hmalak na a ni.

IIOPR Principal Scientist te hian ni 2 & 3/11/2015 khan Lunglei ah State Level Training on Oil Palm an lo neihpui tawh bawk a ni.