No.6934/2020-2021

Vawiin khan Agriculture Minister Pu C Lalrinsanga chuan a bial chhung tui harsat zualna khua pathuma sem tur Tuizem 130 chu Buarpui PWD Bangalow atangin a vai liam.

Agriculture Minister hi Aizawl atangin Dr H.Saithantluanga, Director, Agriculture Department leh official dangte bakah party hruaituten an rawn tawiawm.

Tuizem sem puala PWD IB, Buarpuia inkhawm tawi neihah Agriculture Minister chuan Mizoram Agriculture sector ti hmasawn tur leh kuthnathawktute dinhmun chawikang turin Department chuan theihtawp a chhuah chhunzawm zel dawn a ni, a ti a. Hmasawnna huap zau leh daih rei leh tlo tak kan neih theihna turin hmalak zel niin United Nations Food and Agriculture Organization (FAO) hnuaia Green-Ag: Green Landscape Implementation Unit (GLIU) hnuaiah Lunglei District leh Mamit District-ah te hmalakna chak taka kalpui anih thu a sawi a. Sawrkar Laipui Van Dhan Mission kaltlangin tun hnaiah cheng vaibelchhe 17 an dawn belh leh thu sawiin hei hi Mizoram hmun hrang hranga kuthnathawktute tharchhuah leisak nana hman anih tur thu a sawi. Tuizem sem chu tangkai taka an hman a beisei thu sawiin a dawngtute duhsakna a hlan a ni.

Vawiina Agriculture Minister in Tuizem a pek te hi Plastic tuizem litre 1000 dawng niin Serte khuaah 50, Sertlangpui khuaah 60 leh Kawlhawk khaw tan 20 te a ni a, heng tuizem te hi a MLA fund atanga lei an ni.