No.6172/2020-2021

Vawiin khan Agriculture Minister Pu C.Lalrinsanga'n APEDA Pack House cum Cold Storage, Tuirial a tlawh a.  Community Development Action and Reflection (CDAR) Society Founder Pi Lalawmpuii Pachuau in a lo dawngsawng a ni.

Minister Pu C.Lalrinsanga chuan APEDA Pack House cum Cold Storage hmandan (operational plan) leh enkawl dan tur (maintainance) duan chu tih hmasak ber tur a nih thu leh loneitute dinhmun hriatthiam puia, ngaihtuahna sen a ngaih thu a sawi a. Loneitute tan mal sawm dawnna a nih a beisei thu a sawi a ni.

Pack House ah hian loneituten an thlai thar an process na tur atana ruahman a ni a. Processing bakah hian loneituten an thlai thar an dahthatna turin Cold Storage hi ruahman a ni bawk. APEDA Pack House hi commission mai tawh tur a nih laiin COVID-19 hrileng avangin a khaihlak ta deuh a, engineer ten trial run/test run an neih a, a nih tur ang a nih a, hmandan tur ruahmanna (operational and maintainance plan) sawrkar leh society ten an pawm ve ve a nih chuan commission a ni dawn a ni.

APEDA Pack House hi kum 2016 atanga buatsaih tan niin Govt. of India hnuaia  Agricultural and Processed Food Products Export Development Authority (APEDA) fund niin Agriculture Department, Govt. of India leh Community Development Action and Reflection (CDAR) Society, Tuirial Airfield te tangkawpin an buatsaih a ni a. A project atan hian Rs. 12 crore sen a ni tawh a, he Pack House hi sawhthing leh serthlum sawngbawlna bakah Cold storage bun a ni.

Minister hi Commissioner & Secretary Pu Lalhmingthanga, IAS; Agriculture Director Po Rohmingthanga Colney leh midangten an tawiawm a ni.