"Mawi taka in sa tur chuan Architect thiam tak a ngai ang hian khawtlang nun siamá¹­ha tur hian 'Nu ho' hi in pawimawh a ni"  - KS Thanga, Agriculture Minister

Vawiin khan  MHIP Aibawk Block Conference vawi - 39 na, Hualngohmun Presbyterian kohhran Hall-ah neih a ni a, bialtu MLA, Agriculture Minister ni bawk Pu KS Thanga'n  khuallian niin  a hmanpui.

Khuallian Pu KS Thanga chuan a bial chhunga hmasawnna hna thawh chi hrang hrangte a tarlang a, Pathian leh mipui zara South III bialtu MLA kum 10 dawn lai a nih chhung a a duh ber chu Mizoram mai bakah a bik taka Aizawl South-III bial hmasawnna hi a ni, a ti a. Sorkar hmalaknain kawngpui á¹­ha  tak, chhim lama kalkawng pawimawh ber, Lunglei, Lawngtlai leh Siaha thlenga kal tam tak ten an zawh ngei ngei turin a paltlang bial an nih avangin an bial hmasawnna hi Zoram hmasawn nan a pawimawh em em a ni, a ti.

Agriculture Minister chuan Mizoram hmasawnna ruhrel lian ber tur te zing ami, Medical College din tura inbuatsaihna kal mekah an bial chhung ami Falkawn Referral Hospital chu tihchangtlun mek zel a nih thu sawiin khawl thar á¹­ha tak tak te bun belh zel a nih bakah, thawktu tur pawh lakfel mek an ni, a ti a. Bial chhung mipuite chu a chhawr tangkai ber tur te an nih avangin an lawmawm mai bakah an vannei hle a ni a ti bawk. Aizawl South III bial chhung khaw kar kawng te inkalpawhna á¹­hazawk a awm theih nan nasa takin hmalak a nih thu pawh sawilangin Mizoram Budget pawn lam aá¹­ang pawhin cheng nuai singkhat sangli zathum chuang hmuh a ni, a ti a, hei bakah hian tui thianghlim in tur hnianghnar a awm theih nan hmalak a ni a. Aibawk, Sateek leh Phulpui khua ten tui connection an neih theih tawh thu leh Sialsuk leh Samlukhai pawh tui lak peih á¹­ep a nih thu a sawi bawk.

Minister chuan Nu ho te chu khawtlang nun siamá¹­ha tur a dinhmun pawimawh tak chang an nih thu sawiin mawi taka In sa turin mistiri nih ngawt a tawk lova, Architect thiam tak neih a ngai a, chutiang chiah chuan khawtlang nun nuam leh á¹­ha nei tur hian 'Nu ho' an pawimawh a, Khawtlang nun architect an nih avangin theihtawp chhuah turin a chah a ni.

Aibawk Block hnuaiah hian MHIP Branch 12 an awm a, Conference hi nihnih awh niin  March ni 27 atang khan neih a ni a, vawiin chawhnu khan hruaitu thar thlanna neih a ni a, conference hi zanin hian a tiak ang. Conference ah hian intihhlimna chi hrang hrang neih a nih bakah Thupui "Hun hman that" tih hmang a Pi F. Zohmingthangi, Asst. Secy. Aibawk Block MHIP paper buatsaih zirho a ni a, District Legal Services Authority te buatsaihin Dan lam inzirtirna (Legal Awareness Campaign) neih niin, Mi bik chawimawina leh an member kum 70 chin chunglam chawimawina hun hman a ni a, Gutkha Product chungchang inzirtirna neih a ni bawk. Hei bakah hian Quiz Competition leh zaipawl intihsiakna neih a ni bawk.

Vawiin MHIP Aibawk Block Conference, Hualgohmun Presbyterian kohhran hall-a neih hi an President Pi C. Ramropuiin a kaihruai a. MHIP General Headquarters hruaitute leh Chhimphei Group YMA hruaitute pawhin he hun hi hmanpuiin Aibawk Block MHIP Member kal an á¹­hahnem hle a ni.