Agriculture Minister Pu C.Lalrinsanga chu Germany-a International Workshop on Organic Policies a zuk tel  zawhin nimin October ni15 khan New Delhi a thleng a. Nimin vek khan  Delhi ah DoNER Secretary Dr. Inderjit Singh nen meeting an nei nghal a. Mizoram mamawh hrang hrang bakah a Department chan tana Central scheme awm thei behchhana hmalak dan tur an sawi dun a. DoNER Secretary hian Agriculture chu department pawimawh anih anga a puih theihna ang anga Ministry dangah pawh puih a inhuam thu Minister hi a lo hrilh a ni.

DONER Secretary chuan Agriculture leh Irrigation and Water Resources Department hnuaiah CSS hrang hrang thawh mek te bakah hian a scheme in a huam loh Mizoram tana project pawimawh ni bawk si ah te chuan heng scheme piah lama hmalak pui a huam thu Minister hi a lo hrilh bawk a ni.

Pu C.Lalrinsanga hi Dr.H.Saithantluanga , Agriculture Director (R&E) leh Pu Lalhmingmuana, SMS (Research) ten an mawiawm a ni.