3034/2022-2023
Lunglei the 13th December' 2022 : Vawiin khan C.Daruma Memorial Volleyball Running Tournament ni 13-17 December, 2022 chhung awhtur chu Electric Mual, Buarpui ah Agriculture Minister leh bialtu MLA nibawk Pu.C.Lalrinsanga, chuan hawnna hun a hmang.

He hun hi Tv. Lallawmawma, President, Buarpui Zone Volleyball Association chuan kaihruaiin khuallian Pu.C.Lalrinsanga chuan C. Daruma Memorial Vollleyball Running Tournament hi a pa hriatrengnan amah leh a chhungte buatsaih anih thu sawiin Buarpui leh a chhehvel khua ah te infiammi volleyball khel thiam tak tak an awm tih a hria a,hemi anih avang hian volleyball hi promote tlak a nih thu a sawi bawk. Hetiang tournament hi buatsaih leh zel tura ruahman a nih thu a sawi a. Games & Sports lamah kan Chief Minister leh Sports Minister te hmalakna a zar ah infrustructure kan neih belh zel a, kan bial chhung ah pawh hmalak chhoh zel kan tum a ni a ti. Pu C.Lalrinsanga chuan he inelna neih turah hian rilru thianghlim pu theuh turin leh he inelna hi thiantha a min siamtu lo ni turin duhsakna a hlan a ni.

Pu.PC.Zoramthanga, Secretary, Buarpui Zone Volleyball Association in inkhelh dan tur tlangpui report pe in SR.Lalbeiseii, Asst Secretary, Buarpui Zone Volleyball Association in technical report a pe bawk.

C.Daruma Memorial Volleyball Running Tournament ah hian Buarpui leh a chhehvel khua  atangin team 18 ten inelna hi an nei dawn a ni.