No.569/2020-2021

Agriculture, Cooperation leh Irrigation & Water Resources Minister Pu C.Lalrinsanga chuan a bial Lunglei West chhung leh Thorang biala Village Level Task Force on COVID-19 te a tlawh kualna chu chhunzawmin vawiin Ni 24.4.2020 khan a bial chhunga khaw hrang hrang Kawlhawk, Sertlangpui, Serte, South Lungdai, Thuampui leh Vanhne ah te hian Village Level Task Force te kawmin hun a hmang.

Minister chuan, "He hripui dona kawngah hian Mizoram chuan entawn tlak khawpin tanrualna kan lantir a, tawrhna phenah malsawmna hai chhuak tura ?an kan lak phawt chuan buh leh bala intodelhna rahbi thar kan tuk thei a ni, a ti a. COVID-19 laka kan him zel nana kan tih tur hrang hrang Sawrkar leh mithiamten min zirtir chu ngai pawimawh turin kalkhawmte a chah a. "COVID-19 laka invenna uluk taka kalpui a ngaih avangin Kohhran pawhin Biak In kan khar a lo ngai a. Hei hian kan Biakbuk dik tak chu kan thinlung hi a ni tih min zirtir thar ka duh a. He hunah hian kan theihna zawn theuhah tan ila ang u" a tiin mipui kalkhawmte a fuih a ni.

Minister chuan Lunglei-Buarpui kawng repair hna kal mek pawh a hmunah a enpui a. Tin, Thuampui- Sertlangpui kawng siam mek pawh Minister chuan a hmunah tlawhin Lockdown inkaihhruaina hnuaiah chak zawka hna thawk a, furpui haw hma ngeia hna zo turin contractor a hriattir bawk. Nimin lam khan Buarpui to Thenzawl Tlawng Lei dawh mek pawh a hmuna tlawhin furpui haw hmaa zawh theih a peih turin a thawktu Tantia Construction hotute a hrilh nawn bawk a ni.

Minister chuan heng khuaah te hian Village Level Task Force te hnenah tanpuina bungrua leh sumfai pe in COVID-19 dona kawngah ruahmanna hrang hrang a siampui a. VLTF te chuan hetianga Minister in tanpuina a rawn pek nawn leh avang hian lawmthu an sawi a ni.

Minister hi Pu Tlangtimawia Zote, DAO, Lunglei leh Pu Lalrinsanga Hnamte BDO, Bunghmun ten an tawiawm a ni.