No.1091/2021-2022

Aizawl, the 23rd June 2021 : Vawiin khan Agriculture Minister Pu C Lalrinsanga chuan Agriculture Research Farm, Neihbawi, Sihphir-a Agriculture Department hmalakna hrang hrang te a hmunah a enpui a. OP-12 Bio Fertiliser Production Unit building sak mek leh Bio Pesticide Laboratory bunna atan building sak mek te a tlawh

Pu C. Larinsanga chuan Neihbawi a Agriculture Farm-a rannung microbes behchhana siam leitha biofertilisers siamna OP-12 Bio Fertiliser Production Unit chu Sawrkar flagship programme SEDP hmangin din mek a nih thu a sawi a. He leitha siamchhuah tur hi loneitute leh kuthnathawktute ta tana thil chhenfakawm tak a ni dawn a tiin lei hanna soil fertility tlahniam mek a siam that leh thei, a beisei thu te leh thlai tharchhuah kawngah nasa takin bio fertiliser te hian kuthnathawktute a puih a rin thu te a sawi a ni. He hunah hian Dr. Samuel Lalliansanga, Deputy Director, i/c Farm & Laboratories chuan Neihbawi Farm-a Department hmalakna hrang hrang chungchanga Technical report a tarlang a ni. 

OP-12 Bio-fertilizer hi CSIR-NEIST, Jorhat te siam chhuah niin a technology neitu (patented) an ni a, thlai hrang hrang — buh, vaimim, alu, hmarcha, bawrhsaibe leh be lam chi hrang hrangah te enchhin tawh in a thatzia research hmanga finfiah tawh a ni. Mizorama he technology hlawhtling taka kalpui a nih theih nan hian Agriculture Department leh Department of Biotechnology, MZU te chuan thawhhona thutlung ziakin hma an la mek a ni. 

Neihbawi-a Agriculture Farm-ah hian vaimim, behlawi, béte, sweet corn, Zorin Bean te leh thlai dang chi hrang hrang te kum tluana chin thin a ni a, changpat leitha (vermicompost) siam chhuah a ni bawk a. He Farm-ah hian Laboratory Complex awm bawkin tun dinhmunah Laboratory chi hrang panga (5) a awm mek a, chungte chu - State Pesticide Testing Laboratory, State Bio-fertilizer Laboratory, State Seed Testing Laboratory, Fertilizer Testing Laboratory leh Soil Testing Laboratory te an ni a. OP-12 Bio Fertiliser Production Unit leh  Bio-Pesticide Laboratory din tura hmalak mek niin a building te hi sak mek a ni. 

Minister hi Pu Rohmingthanga Colney, Director, Agriculture Department leh a thawhpui Addl. Director Pu James Vanlalluia bakah Department officer dangten an tawiawm a ni.