Vawiin khan Agriculture Director Pu P.Bhattacharjee hovin Agriculture Department-a senior officer leh District Agriculture Officer ten Rashtriya Krishi Vikash Yojana (R.K.V.Y.) scheme hnuaia District Agriculture Plan siam dan zirhona workshop an nei a. He Workshop Agriculture Conference Hall-a neihah hian Dr.S.C.Patra, Director, NERIWALM, Tejpur-in chipchiar takin District Agriculture Plan siam dan zirtirna a pe a ni.

Rashtriya Krishi Vikash Yojana hi Prime Minister Flagship Programme pawimawh tak mai, Agriculture Sector-a India rampum hmasawnna tur programme pawimawh ber pakhat a ni. Eleventh Plan chhung atan Central sorkarin cheng vaibelchhe 25,000 dahin State tin ten he pawisa hi an dawn theih nan District Agriculture Plan siam hmasak phawt tur a ni a. Mizoram State pawhin District Agriculture Plan a siam zawh hunah he pawisa hi a dawng ve thei dawn a ni.

District Agriculture Plan hi Village level-ah Agriculture leh a kaihnawih Sector - Horticulture, AH&Vety, Sericulture, Fisheries - Plan siamin Block level-ah leh District Level-ah siam chhoh tur a ni a. Tunah hian District Agriculture Plan siam turin Agriculture Department hnuaiah chak takin hmalak chho mek a ni.