Tunlai Mizoram a ran hri leng chungchangah mahni ngaihdan leh rinthu a social network lama thu chhuah a tam hle a, Facebook leh whatsapp velah Mamit leh a chhehvel ah te Bawng kena hri FMD a leng ni a sawi a ni a. Hemi avang hian Bawngsa chu hralh a kal vaklo ni a sawi a ni.

A.H. & Vety Department Director Dr. Saingura Sailo chuan hemi chungchang hi sawifiah in Mamit District a Darlak khua ah Bawng tlem te ah FMD syndrome hmuh a ni a, hei hi a rang thei anga treatment pe in, hrileng zel tur chu control nghal a ni a, Aizawl bazar a Bawngsa zawrh te hi ei atana hlauhawm an ni lo a, Slaughter House ah Vety Doctor ten a talh hma leh talh hnu ah an endik vek a, a hrisel ngei leh eitlak a an ngaih te chauh certificate pe in bazar ah zawrh chhuah a ni a, ei atan a thianghlim tawk thu a tarlang a ni.