Vawiin khan A.H & Vety Department Serchhip chuan Khawbel-ah Awareness Campaign cum Animal Health Camp an buatsaih a, Department Officer 4 leh Staff dang 10 an thawk chhuak a ni.

Vawiin hun hi chhawng hnih a hman niin chhawngkhatna ah Awareness Campaign neih a ni a, he hun hi Dr.Lalnghinglova, DVO, Serchhip in a kaihruai a, Khawbel Ranpui Nei Association te hnenah Sedai theu nana lawm rawihna tur Rs. 50,000/- a hlan nghal bawk. Ran enkawltu kalkhawmte chu Dr.Lalsanglien Ralsun, Veterinary Officer, Serchhip in Sial enkawl dan zirtirna pein Dr.Biaklianzuali Veterinary Officer, Chhingchhip in Vawkvulh dan zirtirna a pe thung a ni.

Chhawng hnihnaah a thlawna ran entirna hun hman a ni a, ran damdawi te a thlawna semin ran zai ngai engemaw zat zai nghal a ni a. Ui-a hri danna in ui tam tak an chiu a bakah Vety Department staff te hian vawk vulhte chu an vawk vulh te an vulhna hmunah kal chilhin vawk pulhri danna in an chiu sak a, ran ke-na hri (Foot & Mouth Disease ) danna in sial engemaw zat an chiu bawk a ni.

A.H & Vety Department in an khaw ranvulh te a thlawna a enkawl sak na-ah leh Sial vulh tu te tana tanpuina an pe te chu an lawm hle a ni tih an khawtlang hruaitu te chuan an sawi a, mipui lam pawhin he hun hi an chhawr tangkaiin an hlut hle a ni.