No.7291/2020-2021 
Vawiin khan A.H & Vety. Department hotute chuan Champhai district chhunga khaw pahnih Vangchhia leh Sazep khuaa Sial vulhtute hmalakna an tlawha, Fostering Climate Resilient Upland Farming System in the Northeast (FOCUS) project first installment kaltlanga A.H & Vety Department, Champhai District, FOCUS Project hnuaia Se insak, a vengtute chawlhbuk sak, tuipekna leh enkawl an ngaih changa thlunna tur siamte, Se huang  enkawlna tura hmalaknate enfiahin hman theih turin an hawng ani.

He hunah hian Dr.B.Zonghinga, District A.H & Vety. Officer, Dr.Lalrotluanga Sailo, Deputy Director, FOCUS, PMU Aizawl, Dr. C.Lalawmpuia, Technical Officer, FOCUS, PMU Aizawl leh Champhai District FOCUS Project hnuaia Vety. Officer-te an tela, ‘Mithun Shelter-Community Level and Water Supply Facility for Grazing Area’ hnuaia hmalakna hrang hrangte a hmunah kalchilhin an enfiah a ni.

A.H & Vety Department chhinchhiah danin Vangchhia-ah hian Sial vulh chhungkaw 30 awmin, Sial 130  an vulh mek a, Sazepa Sial vulh chhungkaw  26 awm te’n  Sial 243 an enkawl mek bawk a ni.

Attachment

  • Loading attachment...