No.706/2020-2021

Aizawl, the 30th April 2020: COVID 19 Lockdown chhungin Sial vulhtute - an Sial enkawla ramhnuaia an kal theih loh avangin Chinghniain an Sial te vawi eng emaw zat a bei a, hmun hrang hrangah Sevulhtuten harsatna an tawk a ni. He harsatna sutkianpui turin  a hmunah te endik hna thawk turin Veterinary Doctorte tirh an ni a. Sevulhtute harsatnate sawipui a, a theih ang anga hmalakpui turin AH&VETY Department chuan tan a la mek a ni.

AH& VETY Department chuan Dr. Lalchungnunga Pudaite, Joint Director leh Veterinary Doctor te chu ni 28.4.2020 khan Sailulak leh Samthanga Sevulhtute harsatna enchian pui tur leh  an mamawh te a theih ang ang pe turin a tir a. An ni hian Sailulak Sevulh Association leh Samthang Zopui Sevulh Association te hnenah hian an mamawh Barbed Wire 50 rolls, Chi bag 10, Rain suit 6 leh Search light 5 ve ve  an pe a. Hei bakah hian Chinghniain Samthang Sevulhtute Sial 19 zet leh Sailulak Sialvulh Association te Sial 14 zet a sehhlum sak chu cheng singkhat ve vein an ral nghal bawk a ni. 

Tun hnai khan Sailulak khuaah Seno 14 Chinghnia ten sehhlum sakin a pui pathum an hliam a, Samthang khuaah pawh Seno 19 seh sakin an eizawh sak vek tawh bawk  a ni. Joint Director hi Serchhip DVO leh Champhai DVO staff ten an tawiawm a. Sailulak leh Samthang sevulhtute Department chungah an lawm hle a ni.