Animal Husbandry &Veterinary Department changtu Minister  Pu C.Ngunlianchunga chuan nimin khan Thenzawl a AH&Vety Farm tlawhin ran chaw chinna hmun tihchangtlun dan tur leh tuna hmalakna tur a hmachhawp awmsa te bawhzui dan tur a en.

Minister hian Thenzawl Vety Farm chhung hmun hrang hrang tlawhin bawng chaw hnianghnar zawka kumtluan a neih anih theih na tura tui lak dan tur te, water sprinkler hmanga ran chaw tam zawk thar dan tur te a hmunah en in Department mithiamte nen an sawiho a, Ar vulh hlawk dan tur te, Mizo Ar/organic chicken  thar chhuah anih theih dan tur te pawh a hmuna hmanrua awm te leh a hmunhma enfiah pahin ruahmanna siam a ni a, zau zawka ran chaw te tui a chawm anih theihna tura tui khuah dan tur te pawh en in Minister chuan a rang thei ang bera hma la tan turin Department hotute a hrilh nghal a, General Manager chenna tur (quarters) sakna tur te en puiin office leh quarters dang te pawh a enfiah nghal a ruahmanna siam ngai te a siampuinghal bawk a ni. Hei bakah hian kum 2016-2017 chhunga AH&Vety Department in Thenzawl farm a hma thar an lakna tur te pawh Minister ho hian survey nghal niin ruahmanna chi hrang hrang an siam a ni.

AH&Vety Minister hi Dr.Daniel Chianghnuna, Joint Director (B), Dr. David Dailo Varte Deputy Director (E), Dr. Lalhmingthanga, Deputy Director (F&FD) bakah Department official thahnem takin an tawiawm a ni.