Union Minister for Fisheries, Animal Husbandry & Dairying Pu Giriraj Singh leh AH&Vety Minister Dr.K Beichhua te August 1, 2019-a New Delhi-a an inbiakna bawhzuiin, vawiin khan ICAR-National Institute of Veterinary Epidemiology and Disease Informatics-a mithiam rual lokalte chuan  AH&Vety doctor te nen Conference Hall-ah meeting neiin African Swine Fever (ASF) Mizoram-a a lo luh lohna tur atan hmalakna hrang hrang an sawiho.

China leh South East Asia ram thenkhatah African Swine Fever (ASF) a len avangin state leh ram pawn atanga ran lakluh khap a ni a, he dan bawhchhia tun hnaia Myanmar lam atanga lo kal nia rinhlelh vawk mante zingah PRRS vei an awm nual avang leh man tawh sa dahkhawm an thih zel avangin Govt. of India chuan hei hi a ngai pawimawh em em a. Mizoram Sorkar A.H & Vety Department te hmalakna enpuia meeting neihpui turin Scientist a rawn tir ta a ni. Heng mithiam - Scientist Dr. Sharanagouda Patil leh Dr. Jagdish Hiramath, National Institute of Veterinary Epidemiology and Disease Informatic Centre (NIVEDI), ICAR Bengaluru, Karnataka leh College of Veterinary Science and Animal Husbandry Selesih atanga Scientist te leh A.H & Vety Department-a Doctor-te chuan vawiina meeting-ah hmalak zel dan turte an sawiho a ni. ICAR NIVEDI Bengaluru atanga Scientist lo kalte hian Selesih vawk man tawh leh test result chungchang te ngun takin an enfiah a, post-mortem leh sample te Selesih a man sa dahkhawm atangin an la a. He natna hian Mizoram a lo lut palh a nih chuan India ram pumpui tan a pawi theih dan te hrilhfiahin Mizoram sorkar chu tha thlah lova hma la chhunzawm zel tur an chah a ni.

Attachment

  • Loading attachment...