Vawiin October ni 1, 2010 International Day of the Elderly pualin Parliamentary Secretary Pu K.S.Thanga chuan Aizawk-ah 'MUP RUN' a hawng.
Sorkar laipui Tribal Welfare Ministry atanga sum ruahman Mizoram sorkar Environment & Forests Department kaltlanga pek cheng nuai 1 senga he Run hawng hian Pu K.S.Thanga chuan kum upa zawkte chungah zahna leh a duhsakna a hlan. Parliamentary Secretary chuan sorkarin Tar Pension pek mek bakah nikum khan mi 8321 pek belh theihna sorkar laipuiin a rawn ruahman leh tawh a, Mizoram pum huap a nih avangin a duh rei deuh naa tunah chuan dawng thei turin engkim peihfel vek a nih tawh thu a sawi. Ram thenkhatah anmahni chawmliana enkawltute hmangaih letna chang hre lovin an awm a, Mizo thlah bikah chuan Home-a indah mai kan la awm meuh lova, hetianga Mizona leh Kristiannaa min hringtu nu leh pa kan hmangaih zel chuan Mizoram hi ram nuam a la ni zel dawn a ni, a ti.